Unha cita coa literatura infantil nos Blancos

O colexio dos Blancos recibiu a visita do escritor Xabier Domínguez, coñecido polo seu labor na literatura infantil e xuvenil, así como pola súa implicación na promoción da lingua e cultura galegas. A actividade desenvolveuse grazas á colaboración coa Furgoteca da Deputación de Ourense, un espazo itinerante de lectura e dinamización cultural. Durante a xornada, Xabier Domínguez compartiu co alumnado e profesorado a súa paixón polos libros a través dunha sesión de contacontos chea de elementos máxicos, humor e aprendizaxes. As súas historias conseguiron captar a atención e a imaxinación de nenos e nenas de diferentes idades.