Unha xornada para festexar as linguas no Padre Feijóo Zorelle

O Día Europeo das Linguas é un día de festa para o colexio Padre Feijoo-Zorelle, como Escola Embaixadora do Parlamento Europeo que é. Hoxe en día en Europa fálanse máis de 200 linguas e, para celebralo, entre as actividades levadas a cabo cabe mencionar a creación de vídeos e de murais en diferentes idiomas así como a redacción de pasaportes lingüísticos en francés ou a posta en marcha de divertidos desafíos lingüísticos: contar do 1 ao 10 en alomenos tres idiomas, ver un vídeo nun idioma e resumir o seu contido noutro idioma, contar un chiste nunha lingua estranxeira, escribir un comentario nas redes do cole noutro idioma, aprender a deletrear en lingua de signos ou escribir una receita en portugués.