O Concello de Beariz nomea Fillo Predilecto a Jesús Gulías

O pleno de Beariz aprobou por unanimidade nomear a Jesús Antonio Gulías Lamas como Fillo Predilecto do Concello pola súa valiosa achega á cultura. O enriquecimento cultural que puxo a disposición dos veciños de Beariz, non soamente foi cuantioso, senón, e sobre todo, variado nos seus contidos, segundo valorou a Corporación.

Tamén o considera incansable buceador en todos os arquivos que, dalgún xeito, tiveran relación co municipio de Beariz. A sesión solemne para a entrega da enseña que o acredita como Fillo Predilecto do Concello de Beariz celebrarase o vindeiro 16 de outubro.