Gonzalo Iglesias Sueiro presenta o seu novo libro

O articulista, exprofesor e político Gonzalo Iglesias Sueiro recompila o seu pensamento e visión crítica e reflexiva sobre a sociedade actual na súa nova obra, “Reflexiones en el último milenio”, un libro que recompila 170 artigos publicados entre os anos 2011 e 2024 en La Región, onde escribe dende 2002.

A presentación da obra terá lugar este vindeiro sábado, 25 de xaneiro, ás 18,30 horas na biblioteca municipal Antelana de Xinzo de Limia, concello no que Iglesias Sueiro leva afincado dende 1975 e do que foi alcalde. Ademais, e que o pasado mes de xuño o nomeou fillo adoptivo.

O evento contará coa participación do autor e máis do actual alcalde, Amador Díaz Penín, de Alfonso Carlos Lois Suárez, Maribel Outeiriño Rodríguez e de Xesús Alonso Montero, prologuista da obra.

Dividido en oito seccións

Este libro, co que da continuidade a “Reflexións”, publicado en 2010, ordena os artigos en torno a oito capítulos temáticos: Medio Ambiente, Familia, Educación, Sociedade, Política, Filosofía e Relixión e Historia e Viaxes.