Crianza Trevinca converte A Veiga na capital agrogandeira de Galicia

FEIRA REFERENTE

A V Exposición Agrogandeira da Veiga encheu a vila con exhibicións prácticas e degustacións de produtos locais

Houbo exposición de maquinaria agrícola todo o día e demostración da malla tradicional. | Cedida

A área recreativa do Coiñedo da Veiga acolle dende este sábado o V Crianza Trevinca, unha exposición agrogandeira que reúne gando bovino, ovino, caprino ou equino, demostracións con maquinaria agrícola e postos con produtos agroalimentarios, e que combina tradición, innovación e posta en valor do rural.

Na inauguración, trala música da banda de gaitas local, tomou a palabra o alcalde, Juan Anta, quen agradeceu a “axuda” da Xunta e da Deputación, a través de Agader e do Inorde, respectivamente. Afirmou que tralos lumes “había máis motivos para celebrar este evento, e destacou o papel de “gandeiros e agricultores, a alma deste concello e un exemplo que escoitar e agradecer os 365 días do ano”.

Unha nutrida representación institucional, con alcaldes tanto da comarca como de fóra, participou este sábado na inauguración. | Cedida

Pola súa parte, o presidente do Inorde e deputado de representación institucional, Rosendo Fernández, salientou a “memoria histórica agrogandeira” da vila, exaltada cunha “feira 3.0 grazas a un alcalde novo que recuperou o tradicional”. Paz Rodríguez, directora de Agader, subliñou a Crianza Trevinca como cita “referente sobre o noso potencial agroalimentario”.

Ao longo do día, o numeroso público asistente desfrutou de diversas exhibicións, como as de cans de pastoreo, actividades agroforestais con tracción animal moderna ou uso de GPS e valado virtual para o gando, entre outras. Estas maridáronse con degustacións de tenreira ecolóxica, produtos elaborados con castañas e cogomelos e catas con viños da D.O. Valdeorras.

A feira sempre presume da súa vertente gandeira. | Cedida

Tampouco faltaron exposicións de gando, maquinaria agrícola, razas autóctonas e produtos agrícolas locais toda a xornada, postos de artesanía e actividades infantís. Tralo peche, houbo música e festa, cun concerto de Xisco Feijoo na Praza do Toural.

Segundo e último día

O programa continúa este domingo ata as 14,30 horas cun campionato de bolos, novas exhibicións de podoloxía equina e equitación, e un concurso de acarabuñado da gadaña. Ademais haberá un obradoiro infantil e unha cata de viños xunto con mel