Galería | Festas na honra da Virxe dos Aflixidos

A parroquia de Sande, no Concello de Cartelle, celebrou as súas festas na honra da Virxe dos Aflixidos no entorno da capela ubicada en Parbón. Tres días de festa no que os veciños de Sande, Prado, Oleiros e Parbón, os pobos que compoñen a parroquia desfrutaron da proposta festiva organizada pola comisión que ano tras ano se afana en que esta festividade non se perda.

Aos oficios relixiosos coas tradicionais puxas, sumouselle a música da charanga Brétema percorrendo a localidade, a da Banda de Música de Cartelle e das orquestras. Non faltou a cea veciñal na que os asistentes degustaron un bo menú mentres compartían charlas e se puñan ao día das súas vidas.

Fotos: M. V.