Xornal Escolar

A feira das enerxías limpas no Barco de Valdeorras

A piques de entrar na recta final do curso, o colexio Condesa de Fenosa do Barco de Valdeorras celebrou unha gran feira de proxectos sobre enerxías renovables na que participou toda a comunidade educativa. Deste xeito, o centro educativo pon o punto e final a un curso enteiro investigando, facendo traballos, exposicións, charlas e experimentando coas fontes de enerxía menos lesivas para o noso planeta.

Durante a feira, cada aula expuxo as principais conclusións dos seus estudos sobre as fontes de xeración de enerxía que contribúen ó desenvolvemento sostible e respectuoso coa natureza. Os alumnos aprenderon motias cousas dun xeito lúdico cos seus compañeiros.