Allariz acolle a presentación dun libro sobre Modesto Seara

O libro recolle a análise que Modesto Seara Vázquez, ilustre alaricano falecido en decembro de 2022, fixo ao longo da súa vida sobre os riscos que afronta a humanidade diante da deriva autoritaria dos gobernos poderosos e a carreira armamentística, que poñen en perigo a paz e o benestar social.

A publicación destaca os lazos de unión entre Huajuapan de León e Allariz, dous lugares fundamentais na vida de Modesto Seara, que expresou o seu desexo de descansar en ambos: as súas cinzas foron depositadas nas dúas vilas, que definía como “patrias pequeniñas”.