Concerto de punk en Allariz polo 140 aniversario de Vicente Risco

Co gallo desta efeméride, a Fundación Vicente Risco, cuxa sede se sitúa en Allariz, onde tamén se sitúa a Casa Museo do autor ourensán, celebra este sábado unha serie de eventos para conmemorar este aniversario englobados baixo o título “Nace un mozo”.

O momento máis especial da programación de todo o día acontecerá á noite, no establecemento Roi Xordo de Allariz. A partir das 23,00 horas celebrarase un evento nomeado “Rock&Risco”, que combinará un concerto da banda galega de punk Radio Océano.

Ademais, neste acto musical tamén actuará o cantante e acordeonista Xurxo Souto, que interpretará a poesía de Vicente Risco.

Roteiro dramatizado

Pola mañá, ás 12,00 horas, terá lugar un roteiro “risquiano” e dramatizado pola vila alaricana, dende a Fonte da Barreira.

Ao remate, a partir das 12,30 horas, na sede da Fundación celebrarase o aniversario de Vicente Risco. Ao igual que o resto de actividades previstas ao longo do día, estará aberta a tódolos interesados.