Coronavirus en Ourense: A mensaxe de Sergio Pazos aos veciños do rural

O actor ourensán Sergio Pazos súmase ás recomedacións para ter en conta durante este confinamento. O actor, natural de Sandiás, dirixiuse aos veciños da localidad para que sigan os consellos de seguridade e se queden nas súas casas. "Estamos nunha situación bastante perigosa e pídovos por favor que aguantedes nas casas", sinalou Pazos.

O intérprete animou aos seus conveciños a intentar saír o menos posible ao exterior, evitar os traballos agrícolas así como falar cos veciños e manter sempre a distancia de seguridade.

"Non me gustaría que tivéramos algún contaxiado ou falecemento por culpa de non cumprir as normas", apunto o ourensán.

Pazos, que está vivindo estas semanas de illamento en Madrid, prometeu voltar a Sandiás en canto se solvente a crise provocada polo coronavirus.