O arranxo da travesía da Moreira de Xinzo comezará esta semana

A administración local realizará un bacheado provisional previo á execución doutro proxecto por valor de 350.000 euros

O Concello de Xinzo comprometeuse a arranxar a deteriorada travesía da Moreira ao longo desta mesma semana e despois das críticas veciñais a este respecto. Conscientes de que dito vial atópase en moi malas condicións, a administración local realizará un bacheado provisional previo á execución doutro proxecto por valor de 350.000 euros co que se mellorarán os accesos do entorno de A Moreira e se creará un carril bici e unha senda peonil. A orixe do desgaste na mencionada travesía debeuse, en todo caso, á circunstancia de ter que derivar a ela o tráfico por mor do arranxo da pista Sitibal. 

Concretamente, os traballos na Travesía da Moreira consistirán no bacheado provisional con aglomerado en frío. Neste senso, o concelleiro de Urbanismo, Ramón Gómez, valorou a actuación: “O convenio aínda se dilatará un pouco por tratase dun proxecto a tres bandas e consideramos que o estado desta vía é grave como para agardar uns meses. Farémolo na maior brevedade posible para mellorar o tránsito e pensando nos veciños e tamén nos negocios que están na zona, dixo”.

Dende o Consistorio recordaron que as pistas Cepetal e Sitibal xa son “amplos” viais de 16 metros de ancho, incluídas beirarrúas e prazas de estacionamento. Ambas vías, xunto coa travesía do Bouzo funcionarán como una circunvalación de 2 quilómetros.

Te puede interesar