Visita organizada á Torre do Castro de Sandiás o vindeiro día 27

VISITA GUIADA

Despois do éxito das visitas guiadas dos anos pasados ao Pazo do Telleyro e o Patrimonio Xeolóxico das Areeiras de Sandiás, este ano volve un novo roteiro dirixido por Jorge Abraham Vila

SANDIÁS (SANTA ANA - O CASTRO). 17/01/2022. OURENSE. Ás 00:00am horas da noite entre o 17 e o 18 de xaneiro, a primeira lúa chea deste ano 2022 poderase ver no seu punto máis álxido. Panorámica da lúa chea coa Torre do Castro (Torre de Sandiás) en primeiro plano. FOTO: ÓSCAR PINAL

O próximo sábado 27 de xullo, o Centro de Interpretación da Lagoa de Antela, no concello de Sandiás, organiza a I Visita Guiada ao Patrimonio militar da arquitectura medieval: a Torre do Castro, no contexto das Torres da comarca da Limia.

Despois do éxito das visitas guiadas dos anos pasados ao Pazo do Telleyro e o Patrimonio Xeolóxico das Areeiras de Sandiás, este ano volve un novo roteiro dirixido por Jorge Abraham Vila, actualmente profesor do IES Cidade de Antioquia en Xinzo de Limia. Foi tamén profesor colaborador da Facultade de Historia da Universidade de Vigo e con diversos estudos acerca das Torres e Castelos da Comarca da Limia.

A visita guiada realizarase en dous tramos horarios: primeiro haberá unha charla de 11,00 a 12,00 horas, seguida dunha visita in situ ao carón da torre, as 12,30 horas.

Contenido patrocinado