A educación sexual regresa aos centros de ensino de Allariz

As formacións serán impartidas pola educadora familiar e pola técnica de igualdade do Concello, e os contidos das mesmas estarán vencellados co feito de ser sexuados e sexuadas e as implicacións deste feito para as relacións entre as persoas e a convivencia.

Ao longo deste mes de maio, os escolares alaricanos asistirán novamente aos ciclos de educación sexual, promovidos dende os propios centros e dende a Área de Benestar Social do Concello de Allariz. Concretamente, a iniciativa destinarase nesta ocasión aos cursos de sexto de Primaria do Colexio Padre Feijoo e segundo da ESO do IES de Allariz.

As formacións serán impartidas pola educadora familiar e pola técnica de igualdade do Concello, e os contidos das mesmas estarán vencellados co feito de ser sexuados e sexuadas e as implicacións deste feito para as relacións entre as persoas e a convivencia.

Dende a Área de Benestar Social explican que os contidos traballaranse “dende unha actitude comprensiva e de cultivo, entendendo e valorando as diferencias e cultivando así a convivencia, obxectivo final deste tipo de intervencións”.

Contenido patrocinado