Pontes desafiuzadas

A plataforma de afectados pola Hipoteca conqueriu parar o desafiuzamento de Mónica. Con 71 anos, enferma de Alzheimer, Mónica non tiña débedas algunhas de aluguer. Rúa padre Feijóo, A Coruña. Stop Desahucios logra parar o desfiuzamento de Aurelia, de 85 anos. A lista de persoas asesoradas, arropadas e defendidas pola PAH Stop Desahucios medra noite e día. Facendo garda incluso o pe das vivendas 24 horas. De non ser pola súa laboura o dereito constitucional á vivenda sería violado pola lei do desafiuzamento sen ningún tipo de reparo. E de feito así ven sendo. O 14 de xaneiro, un comerciante é quen de suicidarse por mor do desafiuzamento. Día 8 de febreiro, outra persoa fai o mesmo en Córdoba. 11 de febreiro, Iñaki suicidase en Basauri. O día seguinte un matrimonio fai o mesmo en Calviá. ¿Razón? desafiuzamentos. 13 do mesmo mes, aparece outro cadáver no medio dun desafiuzamento en Los Ángeles, Alicante. 16 de febreiro, outra persoa se suicida en Calviá acuciado por un desafiuzamento. 6 de marzo, cae outra persoa en Bilbao. ¿motivo ? Desafiuzamento. ¿U-la inviolabilidade do domicilio e o dereito á vivenda?

Día 10 de abril. Estúdase a posibilidade de establecer un perímetro de seguridade de 300 metros entre os domicilios dos deputados e os escraches. A idea é que os afectados polos desfiuzamentos se manifesten pero noutro barrio... A poder ser que se manifesten mudos. A vida dos lexisladores semella intocable. O presente dos que sufren as súas leis é violado noite e día. Mentres alguén tenta criminalizar á PAH, as pontes se enchen de cadáveres sementados pola lei do desfiuzamento.