Elena Poniatowska recibirá el título de ‘Escritora Galega Universal’ o 9 de maio

Elena Poniatowska. (Foto: Archivo)
A escritora mexicana Elena Poniatowska, distinguida co título de ‘Escritora Galega Universal’ que concede a Asociación de Escritores en Lingua Galega, recibirá o galardón no transcurso da Cea das Letras, que se celebrará o día 9 de maio en Santiago de Compostela.
O galardón a Elena Poniatowska foille ofrecido polo presidente da asociación, o poeta Cesáreo Sánchez Iglesias, no transcurso da Feira do Libro de Guadalaxara (México).

Xornalista e narradora, nacida en París en maio de 1933, filla dunha mexicana, Paula Amor, e dun nobre polaco, Jean Poniatowska, instalouse en México desde 1942 onde escapou coa súa nai fuxindo da Segunda Guerra Mundial.

A súa carreira comezou no exercicio do xornalismo, e publicou unha obra moi ampla, que inclúe varios xéneros.

Entre os seus textos destacan as novelas 'Hasta no verte Jesús mío' (1969), 'Querido Diego, te abraza Quiela', (1978), 'La flor de Lis' (1988), 'Tinísima' (1992) e 'La piel del cielo' (2001), e os ensaios: 'Todo empezó el domingo' (1963), 'La noche de Tlaltelolco' (1971), 'Gaby Brimmer' (1979) e 'Fuerte es el silencio' (1980), entre outros.

Tamén é autora das coleccións de contos 'Lilus Kikus' (1954), 'De noche vienes' (1979), 'Métase mi prieta entre el durmiente y el silbatazo' (1982) e os libros de entrevistas 'Palabras cruzadas, Era', (1961), 'Domingo 7' (1982), 'Todo México' (1990) e 'Todo México', vol. II (1994).

Te puede interesar