Cultura

Os Premios da Crítica recoñecen a Oliver Laxe e Bieito Alonso

Cultura

Os Premios da Crítica recoñecen a Oliver Laxe e Bieito Alonso

Xurado da Fundación Premios da Crítica
photo_camera Xurado da Fundación Premios da Crítica

A pandemia de coronavirus marcou a edición número 43 dos Premios da Crítica de Galicia, que cada ano dende 1978 outorga a fundación do mesmo nome.

Nesta ocasión, a decisión dos xurados, que tiveron que debatir por video conferencia, foi comunicada vía YouTube polo presidente da fundación, Bieito Ledo, e o secretario, Manuel Bragado, nun acto na sede de Afundación que substituíu ao tradicional xantar no que adoitaban coincidir premiados, finalistas e destacados persoeiros do mundo da cultura e da política de Galicia.

Finalmente, os galardóns recaíron en Olga Novo, na categoría de Creación Literaria, pola súa obra “Feliz Idade”; o ourensán Beito Alonso, na modalidade de Investigación, polo seu ensaio “Anarquistas galegos en América”; o portal “GCiencia”, en Iniciativas Culturais e Científicas; a compositora e musicóloga Margarita Viso, en Música; o pintor e gravador Bieito Alonso, en Artes Plásticas; Os Monicreques de Kukas, co seu espectáculo “Arlequina”, en Artes Escénicas; Óliver Laxe, polo seu filme “O que arde”, en Cine e Artes Audiovisuais; e a Festa do Marisco do Grove, en Cultura Gastronómica.