A defensa de Fernando Blanco urxe á Audiencia Provincial de Lugo a que resolva a causa sobre o exconselleiro

Un dos avogados do exconselleiro de Industria co bipartito Fernando Blanco urxiu este venres a que decida canto antes a Audiencia Provincial de Lugo sobre o recurso que presentou a defensa para o arquivo da causa que pesa sobre o exdeputado nunha peza separada da 'Operación Campeón', que recaeu no Xulgado de Instrución Número 1, de Pilar de Lara Cifuentes.
O letrado Evaristo Nogueira pide 'celeridade' para que se resolva canto antes, e confía en que a resolución que emita o alto tribunal lucense sexa 'positiva' para os intereses de Fernando Blanco, ao que sinalou o principal imputado Jorge Dorribo como un dos políticos que supostamente favoreceu a súa armazón empresarial.

O avogado compostelano insiste en que 'non hai ningunha proba, nin sequera indiciaria que conclúa que Fernando Blanco tivese algunha actuación reprochable dende o punto de vista do ámbito penal'.

'Non hai ningunha proba, non hai ningún documento, non hai ningún testemuño. O único que hai é a declaración do principal imputado que non ten contundencia porqué derivado das súas propias contradicións, nós entendemos que non é suficiente para seguir tendo como imputado a Fernando Blanco', sinalou.

Nogueira volveu incidir finalmente en que 'da lectura pormenorizada dos autos en ningún momento, nada reflicte unha actuación irregular de Fernando Blanco.

Te puede interesar