Galicia ilumina o Camiño

Con motivo da apertura da Porta Santa, o próximo 31 de decembro, a Xunta está iluminando un total de 44 dos monumentos máis representativos das diferentes rutas do Camiño de Santiago en Galicia, ademais de 49 noutras comunidades, unha actuación que supón a antesala ao comezo da celebración dos actos do Ano Xacobeo 2021. A iluminación dos monumentos representa desta forma unha espectacular conta atrás do inicio do Ano Santo.

Así, desde o pasado día 22 e articulado en tres fases, cada día ilumínanse diferentes monumentos, seguindo as diversas rutas do Camiño e achegándose en varias etapas ata o destino final en Santiago de Compostela. Alí, os días previos ao 31 de decembro, iluminaranse varios monumentos entre os que se inclúe a Catedral, emblemático final do tradicional Camiño de peregrinación.

A iluminación dos monumentos evoca así o percorrido que realizan os peregrinos, culminando na Catedral de Santiago, coa iluminación da simbólica e compostelá torre do Reloxo.

Nesta significativa acción participan ademais da galega nove Comunidades Autónomas: Andalucía, Aragón, Asturias, Cantabria, Castilla e León, Estremadura, A Rioja, Murcia e Navarra, iluminando un total de 49 monumentos o que fai un total de 93 localizaciones.