“Coidados porta a porta” chega a Medeiros e Laza esta semana

O servizo “Coidados porta a porta” da Xunta de Galicia chega á comarca esta semana. Estará en Medeiros (Monterrei) dende hoxe e ata o 11 de agosto, día no que se instalará en Laza, xunto cos días 12, 16 e 17 deste mes.

Este servizo ofrece consultas de audioloxía, estimulación cognitiva e podoloxía para maiores de 55 anos e con carácter gratuíto. Un servizo asistencial que trata de prever a dependencia das persoas maiores no rural. Para recibir algún tipo de coidado é preciso solicitar cita.

Ademais, este luns ás 17,00 horas, os profesionais deste servizo darán unha charla sobre o envellecemento activo na antiga escola de Medeiros.