CASTRELO DO VAL

A IV “Frasca do Terrón” xa ten agrupacións musicais

Imaxe dunha actuación nunha edición anterior da “Frasca do Terrón” de Castrelo do Val.
photo_camera Imaxe dunha actuación nunha edición anterior da “Frasca do Terrón” de Castrelo do Val.

Os organizadores da 4º edición da romaría popular “Frasca do Terrón”, no concello de Castrelo do Val, veñen de confirmar os nomes das agrupacións musicais participantes

O vindeiro sábado, 1 de xuño, bandas de diversos puntos da provincia de Ourense daranse cita nesta “ruada, unha romaría coma as de antes”, segundo a define, Ramón López, de Candaira.

Deste xeito, este ano actuarán Nova Era (Verín), Asc. MMRR. O Cruceiro (Matamá), Kuartetas, Xunquereiteiras (Xunqueira de Espadañedo), As Xeitosiñas (Baltar), As Torgueiras (A Gudiña), As Macizas Centrais (Trives), Feitizo de Pau (Cea), Xúa da Aoft (Ourense) e Silveiras do Támega (Laza).

A todas estas agrupacións uniranse, por parte do Concello de Castrelo do Val, os alumnos da clase extraescolar de música do CEIP Raúl Fernández, os cativos e máis os adultos de iniciación da Escola de Música local, as “Pandereiteiras do Casteliño” e os grupos de pandereiteiros e de pandereiteiras da Asociación Cultural Candaira.

Te puede interesar