Os días 4, 11, 18 e 25 de febreiro, a organización non organizará ningún acto
A Comisión de festas do Entroido 2022 e a Asociación cultural EnLazados veñen de comunicar que non organizarán actos para os folións de Laza.
Logo de reunirse co Concello de Laza, e ante a incidencia do coronavirus no municipio e na comarca, a organización do Entroido tomou a decisión de que nos vindeiros folións do día 4, 11, 18 e 25 de febreiro non haberá ningún acto organizado.
"O noso Entroido caraterízase por ser unha festa espontánea, na que non existen horarios nin hai nada programado", apuntan dende a organización, quen apela "á prudencia e coidado". "O Entroido é libre e todo veciño pode facer o seu Entroido mentres cumpra as medidas de seguridade e sanitarias", conclúen.