A Asociación verinesa Amigos da Música xa ten todo preparado para o XXIX Festival de Corais, un evento musical que se celebra todos os anos para agrupar a diferentes colectivos musicais e desfrutar, todos xuntos, das variadas pezas.
Este ano, a cita será no Auditorio Municipal de Verín este sábado ás 20,00 horas, e o Festival de Corais contará coa participación de catro agrupacións musicais, procedentes de Verín, Lalín e Moaña.
A Coral de Botos -Lalín- achegarán á vila do Támega catro pezas da man das súas 20 voces. Tras escoitar as súas pezas, será a quenda do Grupo de Acordeóns “Sons do Mestremiro”, da man do mestre verinés Miro Mateo: na actuación participarán cinco alumnos verineses. Continuando co repertorio, será o momento do “Coro Samertolameu” de Moaña coas cancións “Llorona” e “Un viejo amor”, entre outras. Finalizará a coral anfitrioa.
