A empresa Na Rede, en colaboración co Centro Comercial Aberto do Carballiño, impartirá unha charla gratuíta sobre o proceso de dixitalización e das axudas do Kit Dixital.
A actividade levarase a cabo no día de hoxe, na Casa da Cultura do Carballiño, ás 20,30 horas, para que poidan acudir o maior número de asistentes posibles. A duración será dunha hora aproximadamente.
Na charla abordarase a importancia da dixitalización para as empresas así como as posibles solucións para acadala, ao mesmo tempo que ofrecerase información a cerca da axuda europea Kit Dixital, a cal está financiada polos fondos Next Generation para empresas e autónomos, que poderán dispor dunha financiación do 100%.
A charla ten como obxectivo axudar, comunicar e visibilizar o cambio tecnolóxico que supón para os negocios tradicionais ou offlines que con esforzo se adaptan.
Desta maneira, aportaranse solucións de dixitalización que se poden adaptar a cada negocio; abordaranse as alternativas máis axeitadas para unha dixitalización sana e que xere posibles oportunidades y tamén solucións ou ferramentas que poidan axudar a automatizar procesos de dixitalización de documentación.Todas as persoas que estean interesadas en asistir poden inscribirse en https://www.narede.es/charlagratuíta/.
