Hoxe comeza o ciclo de cine galego documental no Auditorio Manuel María organizado por Cine Club Carballiño. Ofrece “Cidade da selva”, crónica cinematográfica da última fronte de batalla da guerra civil española, centrándose nos últimos fuxidos nos montes de Casaio.
O mércores proxectarase a última película de Marcos Nine, “A virxe roxa”, que pasou con grande éxito polo pasado festival de Ourense (OUFF) e foi gañador do Mestre Mateo 2022 ao Mellor Documental.
O ciclo remata o xoves coa presenza de Aser Álvarez, director de “José Velo. 50 anos despois”, filme no que analiza a figura deste revolucionario galego que se fixo famoso por secuestrar o navío portugués Santa María para chamar a atención sobre as dictaduras de Franco e Salazar. As proxeccións serán ás 20,00 horas e os socios colaboradores de Teaming terán entrada gratuíta.
