O grupo de goberno de Carballiño destaca a boa saúde do Conservatorio de Música e refírese á necesidade de obter recursos externos para a ampliación do servizo que conta con usuarios de toda a provincia. “No presente curso, o Concello do Carballiño rexistrou, de forma repentina, unha alta demanda en diferentes especialidades, polo que, ante a imposiblididade de poder aumentar as horas necesarias para cubrir parte da demanda, pois na súa totalidade sería imposible, pedirá á Deputación de Ourense unha liña de colaboración que podería ser unha acción similar á realizada con outros concellos como é o envío de profesores”, sinala.
A asociación de pais solicitou ao Concello unha solución despois de que 130 solicitantes no poideran matricularse. “Hai que recordar que a normativa laboral imposibilita que o Concello amplíe o número de horas que prestan os profesores máis alá dun trinta por cento e que ademais hai que recordar as constantes variacións na demanda”. Dado que hai alumnos de diferentes lugares da provincia, consideran necesaria a colaboración da Deputación.
