A oposición urxe información sobre o Asilo de Carballiño

Os grupos municipais do PP e Espazo Común defenderán no próximo pleno sendas mocións nas que solicitan ao alcalde información sobre o funcionamento e xestión da Residencia Xeriátrica do Carballiño, tendo en conta que forma parte da Fundación Irmáns Prieto que a dirixe.

“Os concelleiros desta corporación non temos claro cales son as competencias ou facultades que ten o alcalde nesa Fundación”, sinala o PP, quen engade que “nos últimos tempos estamos a ver que no Asilo de Anciáns ocorren cousas que xeran intranquilidade entre os veciños da vila”, referíndose a que fai máis dun ano que se foron as Hermanitas dos Anciáns Desamparados, “e hoxe vemos que as súas substitutas, pertencentes a Congregación das Siervas de Jesús, fan o mesmo”

Por iso, piden na moción que “a partir de agora o alcalde informe semestralmente ao pleno da súa actividade” e informe sobre as razóns que motivaron a marcha das monxas.

Espazo Común sinala que “algo mudou nestes últimos anos. Así atopámonos coa privatización da cociña e da lavandería, coa chegada dunha xerencia externa, cun incomprensible baile de congregacións de relixiosas e, sobre todo, coa imposición de criterios mercantilistas que en nada observan o espírito que os Prieto quixeron establecer”, polo que tamén demandan información sobre a xestión.