O XII Congreso Chamoso Lamas expón 23 ponencias

Un total de 23 ponencias e comunicacións sobre investigacións das comarcas do Carballiño e do Ribeiro serán expostas no XII Congreso do Centro de Estudios Chamoso Lamas, que se celebrará os días 7, 8 e 9 do próximo mes de outubro co título de “Valorización e xestión do partrimonio cultural e medioambiental”.

Os historiadores carballiñeses Felipe Senén e David Chao pronunciarán, respectivamente, as conferencias inaugural e de clausura. Felipe Senén disertará sobre “Rehabilitación e revitalización dos recursos patrimoniais das terras do Carballiño”. A conferencia, que será aberta ao público, terá lugar o día 7, ás 20,00 horas, na Casa da Cultura.

David Chao falará sobre “Outros patrimonios, novas valorizacións”, igualmente aberta ao público, terá lugar o día 9, ás 18,30 horas, na Adega Pazo Tizón, en Moldes-Boborás.

O resto das actividades desenvolveranse na sede do colectivo, na Casa da Bexanca, en Cabanelas, onde se exporán as 23 ponencias e comunicacións, e cobrarán especial

importancia as proxeccións audiovisuais, con diversos documentais.

Efectuarase unha visita guiada ao Museo Liste de Oseira, á Fábrica do papel da Lavandeira e o Museo Etnográfico do Arenteiro. Os estudantes que asistan ao congreso poderán obter 1 crédito da Universidade de Vigo.