Carballiño acolle unha xornada sobre identidade de xénero

O salón de actos do Casino do Carballiño acolle hoxe a primeira das Xornadas de Identidade de Xénero: 'A igualdade no mundo: España e Arxentina', organizada pola Asociación Xuvenil A Nosa Cinza.
A programación consistirá nunha mesa redonda, ás 11,00 horas, na que participarán como ponentes Lisandro Antonio Genero, avogado e mediador penal, sendo docente da Facultade de Ciencias Xurídicas e Sociais da Universidade Nacional de Santa Fe (Arxentina) e José Manuel Montero López, técnico en Xestión Administrativa e membro do colectivo de Lesbianas, Gays, Transexuales e Bisexuales, LGTB Ourense, sendo moderada por Patricia Nogueira, presidenta de A Nosa Cinza.

Xa pola tarde, ás 15,30 horas, desenvolverase un obradoiro titulado 'Demandas e necesidades do colectivo LGTB nas áreas de educación, sanidade e mercado laboral'.

Esta xornada realizarase no marco dos actos do día do Orgullo LGTB que se celebraron a fin de semana do 28 de xuño ó 1 de xullo en Madrid e do 6 ó 8 de xullo en Londres. 'Tratando por unha banda de unir lazos entre España e Arxentina, que teñen moito en común, por razóns de idioma, tradicións, historia e pola emigración', segundo sinala a presidenta da identidade, Patricia Nogueira. As persoas que se inscriban no correo anosacinzayahoo.es recibirán un diploma.

Te puede interesar