A gastronomía, especialmente en Galicia, é unha das demostracións máis auténticas do seu patrimonio e cultura. Por iso, Gadis apoia un gran número de eventos gastronómicos que poñen en valor non so os nosos produtos, se non tamén a nosa forma de vida, e a nosa terra. Produtos locais, de calidade, procedentes de produtores locais e pequenas e medianas empresas, que son a esencia da riqueza gastronómica da terra.
E é que a cociña move o mundo, por iso é tamén un importante reclamo turístico. Estes dous sectores, gastronomía e turismo, reúnense en Xantar, o Salón Internacional de Turismo Gastronómico. Unha cita que conta coa colaboración de Gadis, e que defende algúns valores compartidos coa cadea de supermercados tales como a alimentación saudable, a sustentabilidade ou o compromiso coa contorna, entre moitos outros.
Con 22 anos de traxectoria, Xantar é unha feira de referencia internacional, que se celebra en Ourense dende o 9 ao 13 de novembro, ofrecendo cinco días de intensa actividade, co obxectivo de apostar por unha alimentación equilibrada a partir de produtos de calidade.
Outros eventos de relevancia
Ademais de Xantar, Gadis apoia outros eventos gastronómicos de gran relevancia. Por exemplo, algúns recentes como Etiqueta Negra, a feira de produto gourmet galego que ten lugar en Pontevedra do 12 ao 14 de novembro; o Gastro Movida Summit, que se celebra en Vigo entre o 28 e o 30 deste mes, ou o Fórum Gastronómico, que foi o pasado mes de setembro na Coruña.
Todos estes eventos culinarios coinciden na posta en valor de Galicia como potencia de innovación turística, gastronómica e cultural. E, ademais, contribúen á xeración de riqueza local e ó impulso a sectores claves no tecido socioeconómico da nosa comunidade. Obxectivos que Gadis comparte ao 100%, e que inclúe no seu programa de Responsabilidade Social Corporativa. Un programa que conta con máis de 1.650 iniciativas de diversa índole, que promoven un impacto positivo no noso entorno.