Unha librería de Ourense abre o seu “inferniño”

Alberto Canal, autor de “Carolina”.
photo_camera Alberto Canal, autor de “Carolina”.
Alberto Canal presenta mañá ás 20,30 horas a súa última novela, “Carolina”, a historia dunha maquis que non pretendía selo. Faráo dun xeito orixinal, lembrando as trastendas prohibidas das librerías de antano, ás que chama “inferniños”. 

Alberto Canal (Casal de Maus-Ourense, 1967) presentará mañá ás 20,30 horas a súa novela “Carolina” (editorial Xerais) dun xeito orixinal. O escritor, marcado pola historia de Carlos Vázquez, fundador da mítica libraría Tanco que forneceu de libros prohibidos polo franquismo a moitos libreiros, conta a historia dunha maquis que non pretendía selo pero terminou converténdose en fuxitiva no Macizo central: Carolina Ernau.

Canal, que lembra os chamados “inferniños”, as trastendas das librarías, impulsa mañá unha especie de representación de danza, música e narrativa que achegará ao público a “Carolina” pero tamén a aquel ambiente de lugares clandestinos. A cita será na librería Eixo.

“É un xeito creativo de achegarse aos lectores. Nas trastendas tiñan eses inferniños e queremos facer a presentación coa librería pechada, case a escuras, simulando una librería clandestina”, explica o autor.

A representación será entre os propios libros e tocarán cancións coa temática de “Carolina”. “Haberá máis sorpresas”, anima Canal ao público. 

"Carolina"

A segunda influencia de Alberto Canal, ademais da librería Tanco, foi unha muller. “Hai 20 anos coñecín a unha anciá ourensá que traballara como enxeñeira para os nazis nas minas de Vilardevós, que me inspirou a personaxe de Rosalía Mera, que é quen conta a historia de quen, a principios dos corenta, foi a súa mordoma: Carolina Ernau”, explicaba o escritor ourensán cando “Carolina” saíu do forno.

Te puede interesar