A Xunta de Galicia tamén axuda ós autónomos de Ourense que cesaron

A conselleira de Promoción do Emprego e Igualdade, Elena Rivo, acudiu onte ó inicio da VI Semana de Emprendemento que organiza a Escola Profesional Santo Cristo. Alí informou sobre dous novos programas de axudas ao emprego autónomo por un importe total de 9,5 millóns de euros, e que xa están publicados no Diario Oficial de Galicia (DOG). Ambas liñas están destinadas a consolidar negocios e dar novas oportunidades aos que cesaron a súa actividade, transmitiron fontes da Consellería. Rivo destacou que a Xunta apoiará cun límite de 7.000 euros aos traballadores autónomos que teñan unha antigüidade superior aos 42 meses “para que poidan ofrecer novos servizos e realizar investimentos que impulsen a súa capacidade competitiva”. A subvención (Bono Autónomo) consistirá un pagamento único para cofinanciar o 60% do custo dos servizos de apoio e os investimentos que se abona cando se presentan as facturas. Nisto entran conceptos como a compra de maquinaria, utilaxe e ferramentas, reformas do local, adquisición de equipos informáticos, rótulos ou deseño de marca. Poden financiarse as inversións efectuadas entre o 1 de xaneiro e o 30 de setembro. Cuando emprender es tu única opción Ó mesmo tempo, o Bono Nova Oportunidade vai dirixido ós autónomos que desexen volver emprender tras cesar a súa actividade. Os apoios serán duns 7.500 euros -8.000 no caso das mulleres-, tal e como salientou Rivo, co obxectivo de beneficiar unhas 200 persoas e estimular a posta en marcha de novas empresas. O prazo de solicitude está aberto ata o 31 de outubro e os requisitos son estar en desemprego e ter sido autónomos nos últimos tres anos. Beneficios de emprender No acto de apertura da VI Semana do Emprendemento, a conselleira Rivo subliñou a “importancia” de difundir os programas para fortalecer o emprego autónomo e de “visibilizar os beneficios do emprendemento como fórmula de éxito en Galicia”. “É clave achegar os futuros traballadores á realidade sociolaboral”, manifestou a titular de Promoción do Emprego e Igualdade, que tamén declarou que “as futuras xeracións sairán mellor preparadas para afrontar o seu futuro profesional”