O vindeiro venres día 1 de decembro, ás 11,00 horas, o Consello Regulador da IXP Mel de Galicia, con la colaboración del Concello de O Barco, prevé a plantación de 500 castiñeiros nunha das áreas arrasadas polos incendios en Valdeorras, na parroquia de Alixo, pertencente ao concello de O Barco de Valdeorras. Desde o Consello explican que “a elección desta árbore senlleira débese a que se trata dunha especie melífera e autóctona con moito que ofrecer. Ademais de flor para a polinización e a consecución de rico mel, tamén se obterán castañas nun futuro, contribuíndo así coa dinamización do medio rural”.
A acción que se porá en marcha en Valdeorras, forma parte dunha campaña destinada “a honrar e dignificar a apicultura galega baixo o título ‘Un modo de vida’, seguindo unha filosofía na que a preservación da biodiversidade, o coidado das abellas e a valorización dun oficio tradicional son o eixo central”. A coordinación desde o Concello farase desde a Concellaría de Medioambiente.
Coma toda acción solidaria, desde o Consello animan á participación de persoas voluntarias que queiran achegarse a axudar na repoboación, que poden inscribirse enviando un correo a [email protected] ou aparecer directamente no propio lugar a botar unha man. Iso sí, “os dez primeiros voluntarios recibirán un meloso agasallo”, explicaron desde el Consello Regulador.
