A loita do médico rural a través de José María Lage e o Museo de Maceda

Traspasar as portas do Museo do Médico Rural en Maceda é transportarse a outra época. Unha época na que a medicina tiña unhos medios que moito distan do que hoxe en día coñecemos. E no rural, esa medicina significaba moito máis. Máis alá do instrumental, estaba a persoa, o carácter humanitario para que todos os veciños puidesen ter atención sanitaria, o contacto directo con eles facía que acabasen convertidos en amigos e confesores, a falta de medios para chegar a cada recuncho dunha Galicia a través de corredoiras e con moitos pobos sen electrificar… E toda esa historia e ese material aparece recollido nese Museo, pioneiro a nivel nacional, para darlle o valor que merece a labor do médico rural. E todo grazas á iniciativa de José Manuel Lage, médico xubilado de Maceda que segue traballando para que este espazo sexa un referente para toda a poboación e non nos esquezamos dunha parte do noso pasado máis recente.