A Comunidade de Montes Veciñais en Man Común Serra do Xurés, e a Asociación Ecoloxista Verdegaia organizaron unha xornada de deseucaliptización do monte veciñal de Río Caldo, ademais dunha visita guiada pola Vía Nova, unha ruta milenaria que comunicaba Braga con Astorga.
A brigada deseucaliptizadora actuou sobre dúas parcelas próximas de 2 e 3 hectares respectivamente, retirando eucaliptos de rebrote e descascando tocóns, para posteriormente reforestar con frondosas nativas.
Despois do albaroque remataron cunha visita aos xacementos romanos Aquis Ogeresibus e Mutatio das Mouruás, guiadas polo arqueólogo director das excavacións, David Pérez.
Visita guiada por Davide Bande na Mutatio das Mouruás.