Unha aula moi especial no Miraflores

Aínda que poida non parecelo, ir ó supermercado implica moitas disciplinas das que tódolos días se imparten nas aulas. É necesario, por exemplo, coñecer as formas dos obxectos, saber ler a lista da compra, coñecer o valor dos diferentes billetes e moedas e, por suposto, ser capaz de calcular para adaptarse ó presuposto de cada casa. Deste xeito, Psicomotricidade, Inglés, Lingua ou Matemáticas son algunhas das materias que se poden practicar cunha visita ós corredores de calquera tenda de alimentación e productos do fogar.

E esa tenda téñena no colexio Miraflores, un supermercado moi especial no que cada visita se converte, ademais dunha grande actividade didáctica, nunha festa para os alumnos de Educación Infantil e Primaria, que teñen nesta instalación unha extensión da propia aula. Entre cereais, bollería, froita, iogures e filetes, o espazo serve tamén para que os máis novos poidan tomar conciencia duns bos hábitos de alimentación.

Mentres algúns acoden coa lista na man para poñer a proba as súas dotes de lectura, outros traen consigo os problemas matemáticos para coñecer o prezo das cousas. Trátase de aprender case sen darse conta e prepararse tamén para a vida que lles vén.