O Polo Baños de Molgas organiza unha xornada para promover a innovación no sector gandeiro en extensivo

O sector gandeiro é parte esencial do noso territorio. Con esta xornada buscamos crear pontes entre o Polo de emprendemento e os profesionais do rural, ofrecendo un espazo para compartir coñecemento, resolver dúbidas e coñecer de preto novas tecnoloxías aplicadas á gandaría extensiva.

Participará Verín Biocoop, que presentará a súa experiencia coas razas autóctonas galegas, e con Innogando SL, empresa que amosará como os colares GPS e outras innovacións poden facilitar o traballo diario das explotacións. Unha cita para coñecernos, establecer sinerxías e avanzar xuntos.

Programa:

19:00 h – Benvida e presentación da xornada

19:10 h – Presentación do Polo e os seus servizos da man de Elena López, técnica de emprendemento do Polo Baños de Molgas

19:25 h – Verín Biocoop: creación da cooperativa gandeira e as características das diferentes razas autóctonas coas que traballan

20:00 h – Innogando: innovación e tecnoloxía cos colares GPS na gandaría extensiva e como poden facilitarlle o día a día o gandeiro

20:50 h – Petiscos e networking

21:00 h – Peche da xornada

Unha oportunidade para conectar co territorio, compartir experiencias e impulsar xuntos o futuro do sector agrogandeiro.