Os concertos das festas da Valenzá cambian de ubicación

O Concello de Barbadás cambia a localización dos concertos da noite do venres 6 de xuño das Festas da Valenzá 2025 para garantir a seguridade do público asistente. A comisión de festas informou nestes días ao goberno local sobre a ampliación da programación inicial, coa incorporación dunha orquestra, ademais da discomóbil, polo que se revisou a viabilidade da localización prevista, que era o parque da Liberdade.

Despois de analizar o espazo dispoñible e a capacidade esperado, Protección Civil recomendoulle ao Concello mudar o lugar dos concertos para cumprir a normativa vixente e garantir en todo momento a seguridade dos asistentes. Así, a actuación da orquestra terá lugar finalmente na rúa 17 de Maio, por ser o espazo máis a acaido e o único que garante o cumprimento dos requisitos de seguridade. A celebración das festas levarase a cabo os días 6, 7, 8 e 11 de xuño.