A Carreira do Arenteiro xa conta con 650 participantes

A XI Carreira Solidaria do Arenteiro, que se celebra mañá domingo no Carballiño, será unha das máis concurridas dos últimos anos, xa que no día de onte xa se contaba con máis de de 650 persoas inscritas de todas as idades. Os participantes poderán donar alimentos para Cáritas e San Vicente de Paúl.

A saída e a meta serán na Praza da Veracruz, e discurrirá polas rúas céntricas da vila, así como polo Parque municipal, quedando cortado o tráfico en todo o percorrido desde as 10,00 ata as 12,30 horas. Por este motivo, os responsables municipais, que se encargan da organización en colaboración cos clubes de atletismo da vila, piden disculpas e tamén piden a colaboración veciñal e das persoas que circulen en vehículos polas molestias ocasionadas por estes cortes de tráfico, que son absolutamente necesarios tanto para a realización das probas como para manter a seguridade dos participantes e o público asistente.