Concurso de camisetas na Festa do Pulpo para unir a mocidade de Carballiño

A víspera da Festa do Pulpo, no podía faltar o Concurso de camisetas, onde as pandillas participarán con entusiasmo. A Praza Maior encherase de alegría e música a cargo de DJ’s a partir das 18,00 horas. O Concello do Carballiño convocou o concurso para seguir incentivando a participación da mocidade na Festa do Pulpo.

O deseño pode estar creado a base de debuxos, imaxes, tipografías, palabras, frases, número ou calquera outro elemento gráfico, e poderá ser impreso sobre unha camiseta de calquera cor, na súa parte dianteira ou traseira ou en ambas.

A participación está aberta a todos os colectivos (asociacións xuvenís, culturais, veciñais, etc.; grupos, cuadrillas, colexios...) que o desexen, sen límite de idade sempre que o/a responsable da agrupación sexa maior de idade.

Premio

Establécese un único premio ao mellor deseño dotado con 200 euros para a camiseta que maior número de votos reciba; o resto de camisetas que cumpran os requisitos das bases expostas recibirán unha compensación por importe de 60 euros cada unha.

O ano pasado, despois do parón pola pandemia, recuperouse este concurso tan singular e logrou un gran éxito con preto de 2.000 personas implicadas na celebración.

O certame está dirixido as peñas e, en 2022, conseguiu a inscrición de 63 grupos. Cada grupo debía presentar a concurso o deseño dunha camiseta dando protagonismo á Festa do Pulpo. A peña da asociación de familias de persoas con discapacidades psíquicas da comarca de O Carballiño (Aspadisi) foi a gañadora de 2022.