Luisa Merelas recibirá o Xociviga de Honra 2019

O xurado tomou a decisión por unanimidade, “por ser un referente para toda a profesión actoral de Galicia tanto no audiovisual como no teatro. Toda a humanidade de Luisa Merelas encárnase nos personaxes aos que da vida, enchendo a historia das Artes Escénicas e Audiovisuais de traballos excepcionais, alguns dos cales formarán parte xa do noso universo simbólico".

O xurado estivo formado polo alcalde, Francisco Fumega, como presidente, e o concelleiro de Cultura, Diego Fernández, como secretario, e ademais por Mariana Carballal, directora, actriz e profesora de Arte Dramática; Isabel Blanco, da Fundación Aisge (Sociedad de Gestión, Artistas e Intérpretes) e delegada de Aisge en Galicia, e por Xosé Prada Martínez, autor teatral e director do grupo Tiruleque Teatro. O galardón será entregado durante a Gala das Xociviga 2019, que terá lugar o 29 de xullo ás 20,30 horas, no auditorio municipal Manuel María.

Xosé Prada destacou o feito de que nos últimos anos este premio estáselle otorgando a mulleres do cine para darlles un maior protagonismo.