Piden unha comisión de investigación sobre o Asilo do Carballiño

Espazo Común pide mediante unha moción a constitución dunha comisión de investigación con presenza de tódolos grupos municipais da Corporación “para esclarecer tódolos feitos e decisións que levaron á corrupción do espírito orixinal do Asilo do Carballiño”.

Demandan que “se retrotraian tódalas decisións tomadas con premisas mercantilistas e se volte a xestionar o Asilo coma unha institución sen ánimo de lucro e de apoio aos máis desfavorecidos da nosa comarca”.

Afirman “todos os cambios foron impostos ás agachadas polo órgano de goberno da Fundación Irmáns Prieto, o Patronato, coa presenza e complicidade necesaria do alcalde do Carballiño, que é un dos tres patronos“.