Un roteiro amosou a arquitectura relixiosa

O Centro de Estudios Chamoso Lamas desenvolveu na mañá de onte un roteiro pola “Historia, arte e arquitectura relixiosa no Carballiño”, con visitas á Igrexa de San Roque de Señorín (onde tamén está o cemiterio parroquial do Carballiño), Igrexa Parroquial de San Cibrao, Capela do Sagrado Corazón, Igrexa da Residencia dos Irmáns Prieto e Templo da Veracruz, que estivo guiada polos historiadores da entidade, Juan Manuel Rodríguez e Xosé Luis Sobrado, e no que participaron unha trintena de persoas, entre elas o concelleiro de Cultura do Carballiño, Diego Fernández, e o cofrade maior da Cofradía da Vera Cruz, Rafael Melero.

Os historiadores aportaron información sobre a historia e estilo arquitectónico de cada unha das igrexas que forman parte do patrimonio relixioso da vila. A actividade forma parte do programa cultural da Semana Santa.