Os socialistas mostran a súa satisfacción polo pacto de goberno co BNG carballiñés

A Agrupación Local do PSdeG-PSOE do Carballiño pon de manifesto a nosa satisfacción polo pacto acadado polo grupo municipal do PSdeG-PSOE e o BNG, dous partidos progresistas que acordaron as liñas de actuación nun goberno democrático e lexítimo, e no que priman os intereses xerais dos veciños, sinala o secretario do partido, Guillermo Fernández Dopazo.

Engade que iste é un equipo conformado por 12 concelleiro e que ten o meirande respaldo da historia democrática da nosa vila, xa que as eleccións de 2007 deixaron á Corporación municipal cunha maioría progresista e de esquerdas que conqueriu deixar ó PP cos peores resultados da súa historia no Carballiño.

Neste sentido, Guillermo Fernández quere recordarlle ó PP que este acordo non ten nada que ver coas actuacións de Baltar, Louzán ou Feijóo, que en lugar de propoñer pactos de goberno levan a cabo mocións de censura con tránsfugas de outros partidos, que vulneran a vontade popular libremente expresada nas urnas e o pacto antitransfuguismo consensuado.

Contenido patrocinado