A xeración Z ten unha cita coa música e poesía na Insua

Insua Rock&Poetry é o título da nova iniciativa que arranca este domingo na Insua dos Poetas, o espazo natural e cultural ubicado na contorna da localidade carballiñesa da Esgueva.

A Fundación Insua dos Poetas decidiu abrir a paraxe aos mozos, para que sexa un lugar de encontro entre os artistas emerxentes da provincia de Ourense. Será un festival no que se combinará a poesía coa música, fundamentalmente con rock. Estará guiada polo xoven poeta de Celanova, Alexandre Corbillón, que contará no seu recital coa música dos grupos Arpía, Atlanticides e Fireplug.

A Insua dos Poetas sempre tivo en conta aos mozos e de feito organiza ao longo do ano varias actividades e festexos nos que son os protagonistas, como na celebración da Auga, da Árbore e da Poesía, no Entroido ou no Magosto, entroutras iniciativas nas que participan os escolares.

Neste caso serán os mozos da xeración Z os que tomen as riendas, convertíndose nos protagonistas da celebración da literatura, da lingua, da música e das artes plásticas, un combinado cultural nun paraxe natural espectacular.

Alexandre Corbillón considera que con esta iniciativa trátase de “brindarlles un soporte ás xeracións emerxentes da poesía, música e outras disciplinas”

O festival, de entrada libre como todo o que se organiza na Insua dos Poetas, comezará ás 19,00 horas cun acto de presentación que dará paso á música combinada cos recitais de poesía e tamén á presentación do último libro do xoven poeta que se publicará en próximas datas, segundo declarou o mesmo autor.