A xuntanza de confraternidade reuniu a 300 veciños de Piñor na carballeira de A Corna

Un total de 300 persoas integradas en oito asociacións participaron na ‘Festa dos Veciños’ do Concello de Piñor, que na súa quinte edición se celebrou onte na parroquia de A Corna. O programa abriuse cunha misa na igrexa de Santa María do Desterro para logo trasladarse os participantes á carballeira situada no mesmo entorno da capela.

Ó mediodía, un grupo de acordeóns dirixido polo profesor Daniel Meiriño anticipou a hora do xantar, que deu comezo pasadas as dúas da tarde e que tiña un custe de 15 euros por persoa, cunha rebaixa a 10 euros para os menores de 10 anos. Entremeses variados, empanada de carne e atún, mexilóns ó vapor, carne asada e un postre de bica e amendoados de Allariz deleitaron ós comensais.

Sorteo O presidente da Asociación de Veciños de A Corna, Serafín Bueno, comandou a oito improvisados camareiros xóvenes da parroquia, e sinalou que ‘estamos moi contentos pola xente que acudiu a esta cita, que xa é tradicional’. Una exhibición de vehículos clásicos -un Seat 600 de 41 anos entre elesfoi moi admirada polo público, que a partires das cinco do serán bailou baixo os acordes do ‘Dúo Caché’, antes do pregón de exaltación, que correu a cargo do profesor Xosé Paz. Un sorteo decidirá se os veciños de Loeda ou os de Torcela organizan a sexta edición da xuntanza.