Castrelo do Val entreterá e formará os seus cativos este verán

ACTIVIDADES DE LECER

O Concello de Castrelo do Val vén de anunciar o seu programa de conciliación familiar para este verán, “Xogamos, rimos, igualamos”

Rapaces novos de Castrelo do Val. | La Región

Este programa de conciliación laboral e familiar desenvolverase no municipio castrelao do 23 de xuño ao 5 de setembro, e dirixido a cativos de entre 3 e 12 anos.

Os pequenos castrelaos desfrutarán de luns a venres, de 8,30 a 14,00 horas, de diversas temáticas divertidas, obradoiros de cociña e disfraces, xincanas con sorpresas, dinámicas con auga, clube de lectura, xogos ao aire libe, educación en valores e ambiental, e outros recursos que primen a creatividade, a diversión e a convivencia.

En total ofrécense 30 prazas, catro delas para rapaces con necesidades especiais, e contan con prioridade os nenos empadroados no concello. Do 23 ao 30 de xuño e do 1 ao 5 de setembro o prezo é de 5 euros. Os meses enteiros de xullo e agosto, custan 25 euros cada un, e todo o periodo estival, 50.

O prazo límite para inscribir os pequenos é o 16 de xuño, e para facelo basta con acudir ao Concello, onde se pode obter máis información e as bases do programa.