De Verín a Cartelle a prol da corresponsabilidade

Os cativos do CEIP San Marcos de Cartelle estrearon este outono un mural en prol da corresponsabilidade co espazo como protagonista. A Asociación de Nais e Pais de Alumnos promoveu esta iniciativa, que incluíu un obradoiro e charla sobre a Igualdade e a corresponsabilidade coa cativada, da mano do artista Alex Araújo (@axtricplicado). A actividade está enmarcada na subvención do plan Corresponsables e está na liña da dirección da Anpa e do centro educativo de facer cousas que axuden a impulsar o colexio. “Foi unha actividade moi divertida e participativa, penso que os cativos o pasaron xenial”, lembra o artista que, no mural do San Marcos, mergullouse de cheo e por primeira vez nunha obra concreta, na técnica do spray.

No centro, a través da Anpa, xa se fan actividades extraescolares de multideporte, patinaxe e creatividade -escollidas polos nenos a través dunha enquisa- . Unha axuda á conciliación de luns a mércores, unha unha hora pola tarde, que se complementa coas actividades de reforzo dos xoves a través do CIM da Mancomunidade.