10 concellos de Monterrei alíanse co fin de mellorar a eficiencia da agua

Os concellos que integran a comarca de Monterrei (Castrelo do Val, Cualedro, Laza, Monterrei, Oímbra, Riós, Verín e Vilardevós), e máis dous da veciña Conso-Frieiras (A Gudiña e A Mezquita), veñen de aprobar en pleno a súa adhesión á terceira convocatoria de subvencións para proxectos de mellora da eficiciencia do ciclo urbano da auga. Con este Proyecto estratégico para la Recuperación y Transformación Económica (Perte) de dixitalización do ciclo do auga aspiran a obter 1.999.450,59 euros do Ministerio para la Transición Ecológica y el Reto Demográfico.

No caso de ser concedida, a entidade promotora, o Concello de Verín, destinará o case millón de euros que lle corresponde á dixitalización da rede, coa instalación de preto de 5.000 contadores intelixentes de agua, así como de caudalímetros dixitais para controlar o fluxo e as perdas de auga. O resto de concellos, pola súa banda, aproveitarán en cambio para a rehabilitación de colectores, nunha aposta pola mellora das redes de saneamento.

Requisito de poboación

Esta agrupación de concellos, que nunha convocatoria anterior xa quedara ás portas da subvención, é necesaria debido a que a convocatoria só concede achegas a núcleos de poboación superiores aos 20.000 habitantes, polo que Verín precisaba do concurso de máis entes locais.