Charangas e diversión en Vilaza na Carretada do Viño

O pobo de Vilaza viviu a primeira xornada das súas festas patronais coa XIII edición da súa xa tradicional Carretada do Viño polas rúas da localidade.

Ducias de peñas participantes fixeron tempo dende as 19,00 horas ata que unha hora máis tarde arrancou o tradicional desfile de carretas, unha sorte de transportes construídos polos peñistas nos que non faltaba a música, comida e bebida.

O punto de partida foi a Alameda de Vilaza, emprazamento das atraccións e dos postos de comida, que permanecerán durante estes catro días de festas patronais.

Grupos de veciños de tódalas idades e procedencias percorreron as adegas da vila acompañados pola charanga Fuego, ata que a medianoite comezou a verbena coa discomóbil A Gramola.

Este mércores haberá unha festa infantil, e a continuación a III gran cea popular, de novo na Alameda.