Colaboración entre o Concello de Verín e a DO Monterrei na Feira do Viño

CONVENIO

Na sinatura do convenio o Concello estivo representado polo alcalde da vila verinesa, Gerardo Seoane, mentres que por parte do CRDO Monterrei asinou o seu presidente, Jonatás Gago

Gerardo Seoane xunto con Jonatás Gago na sinatura.

O Concello de Verín vén de asinar un convenio de colaboración co Consello Regulador da Denominación de Orixe (CRDO) para a vindeira edición da Feira do Viño Monterrei.

A XVII Feira do Viño Monterrei, que se celebrará entre o vindeiro agosto entre os días 9 e 11, é un dos eventos máis destacados do verán nunha comarca eminentemente vitivinícola como a de Monterrei, e espera atraer un ano máis a numerosos turistas e visitantes.

Responsabilidades

O convenio asinado recolle por escrito as distintas cuestións das que se fará cargo cada entidade asinante. Deste xeito, Concello e DO repiten a fórmula empregada en anteriores edicións da Feira do Viño.

O convenio de colaboración recolle ademais aspectos como a montaxe do recinto feiral que acollerá o evento, as actuacións musicais e tamén a publicidade, entre outros detalles.

Alén disto, a colaboración entre as dúas entidades para a XVII Feira do Viño Monterrei tamén se estende a outros ámbitos, como por exemplo a elección do cartel da mesma, e que será presentado proximamente.

Contenido patrocinado